रौतहट जिल्लाको वृन्दावन नगरपालिका का नगर प्रमुख विनोद पटेललाई अचानक स्वास्थ्यमा समस्या देखिएपछि काठमाडौंस्थित नर्भिक अन्तर्राष्ट्रिय अस्पतालमा भर्ना गरिएको छ।
प्राप्त जानकारी अनुसार, नगर प्रमुख पटेललाई मुटु (हृदय) मा अचानक समस्या देखिएपछि तत्काल उपचारका लागि नर्भिक अस्पताल पुर्याइएको हो। उहाँको स्वास्थ्य अवस्थाबारे अस्पतालले औपचारिक जानकारी दिन बाँकी छ, तर उहाँ अहिले चिकित्सकहरूको निगरानीमा उपचाररत हुनुहुन्छ।
नगर प्रमुख पटेलको स्वास्थ्य अवस्थालाई लिएर वृन्दावन नगरपालिकाका बासिन्दा तथा उहाँका शुभचिन्तकहरूले शीघ्र स्वास्थ्य लाभको कामना गरिरहेका छन्।
यो खबर पढेर तपाईलाई कस्तो महसुस भयो ?
+1
+1
+1
+1
+1
